Leonardo Da Vinci: kunstner, opfinder og videnskabsmand

Innihaldsyvirlit

Inngangur III

Leonardo Da Vinci IV

- Tíðin hjá Lovovico Sforza IV

- Leonardo samkyndur? V

- Uppfinnari V

Laboratorii hjá Leonardo funnið V

- Áhugin fyri anatomi VI

The Vitruvian Man IX

Mona Lisa X

- Hvør var Mona Lisa XI

- Mona Lisa stolin XII

Niðurstøða XIII

Bókmentalistin XIV

Inngangur

Leonardo Da Vinci var ein stórur listamaður, og ikki minst uppfinnari og vísindamaður. Tað sum tey flestu teinkja tá tey hoyra Leonardo Da Vinci, er Mona Lisa og tað er ikki løgið. Mona Lisa er søgd at vera tann kendasti og dýrasti málningurin í verðini. Eg fari í hesari ritgerð at fortelja um Leonardo Da Vinci sum heild, um hann sum vísindamann, og sum listamann. Eg fari at greina og tulka tveir av málningunum hjá honum, og seta ein í samband við hann sum vísindamann. Fyri at fáa góð, álítandi og ítøkilig úrslit, havi eg verið á Býarbókasavninum í Havn har eg havi fingið bøkur ið lýsa hann bæði sum vísindamann og listamann, og tær fari eg at grunda tað mesta á. Eg havi eisini skaffa mær tilfar av netinum.

Leonardo Da Vinci

1452 - 1519

Leonardo di Ser Piero da Vinci, ið merkir Leonardo sonur hjá Ser Piero frá Vinci, var føddur 15 Apríl 1452 kl. 3 um náttina, hetta vita vit tí abbi Leonardo hevur skriva tað niður, sum ein óskilgitin sonur av Ser Piero da Vinci, sum var ein væleydnaður notarur, og eini bónda konu sum æt Caterina. Pápi hansara tók hann frá mammu hansara, fyri at hann kundi vera uppaldur hjá hansara familju í Vinci, ein býur nær Florence. Og tað var í Florence at ungi Leonardo fann hugin at mála. Pápi hansara fekk gjørt so at hann kundi læra hjá Andrea del Verrochio, ein av teimum størstu málarunum í Florence. Leonardo var einans tólv ár um hesa tíð. Aftaná hann var liðugur útlærdur, so var hann verandi hjá Verrochio í eina tíð sum hjálpari. Men frá uml. 1477 til 1482, hevði Leonardo sítt egna stað har hann kundi arbeiða.