Uani allaaserisatsinni suliassiissutaavoq margrethe-mi aammalu bussimi naapinneq-mi inuttaasunik ilisarititsinerni oqaatsit atornorneqartut misissoqqissaariarlugit sanilliutissavagut.
2A
“Margrethe” atuakkiaavoq Villads Villadsen-imit allanneqarsimasoq, 1995-mi saqqummersinneqarsimasoq. Villads Villadsen atuakkiortuuvoq taalliortuullunilu. Kalaallit Nunaanni nalunnginneqarluarpoq saqqummersitsisarnermigut. Soorlu Villads Villadsen “Piitaqu”, “Nalusuunerup Taarnerani” aamma “Ikerasaamiut” saqqummersinnikuuai.
Uani allaaserisassatsini ”Margrethe”-mi eqqartorneqarpoq niviarsiaraq Margrethe-mik atilik. Margrethe niviarsiaraavoq sutigut tamatigut ajunngitsoq aamma kusanartoq. Margrethe sapanngamut sanilliunneqarsimavoq kusanangaarami. Margrethe ajunngitsuinnarmik eqqaaneqarpoq, ass. anitsiarfimmi ungatangersimaarneqartuartuuvoq, inuit nuanniilliortut, aliasuttut nuannaalersissinnaavai. Oqarsinnaavugut inuk ajunngilluinnaqqissaartuusoq. Ateq Margrethe grækerit oqaasiinik isumaqarpoq sapangaq. Sapangarlu assersuunneqarsinnaavoq, kusanartuusoq sissuigassaq erlinnartoq.
Allatami oqaatsit atorneqartut ajunngitsuinnangajaapput oqaatsit nikallungasut annikitsuaqqamik atorneqarput ass. inuit nikallungasut aliasuttut. Oqaatsit atorneqartut nuannaarpaluttuinnaapput ajunngitsitsisut. Oqaatsit Margrethe-muinnangajak tunngasuupput.
Oqariartuuteqarpoq inuuneq taarsigaluaraangat arlaatigut qaammarsinnaajuaannarpoq tapersersoqatigiikkaanni.
2B
”Bussimi naapinneq” atuakkiaavoq Mâliârak Vebæk-imit allanneqarsimasoq, 1981-mi saqqummersinneqarimasoq. Mâliârak Vebæk atuakkiortuuvoq taalliortuullunilu. Mâliârak Vebæk ”Niperujuutit” aamma Navaranaaq og andre” saqqummersinnikuuai. ”Bussimi naapinneq”-mi eqqartorneqarpoq inuk ulluinnarmi minutsit qulit missaani pisut. Taanna inuk asaaqqammerluni kaffiliortoq, kaffi naammassimmat naalaasaarnialeruttorluni matu sianerpoq taava arnaq bussini naapinnikuusani oqaluullugu. Aallaqqaammut ilisarinngeriarlugu eqqaavaa bussini naapinnikuunertik. Arnaq taanna kalaaliuvoq isikkugippallaanngitsoq soorlu imerajuttoq imaluunniit qasoruloortutut isikkulik. Taassumap arnap atisarisai ulluinnarnut tulluanngillat, kjoleq taartoq siilikiusaq iluserippallaanngitsoq. Soorluluunniinngooq arnaq silanngajaartoq. Eqqaamasaminiit isikkua allaanerulersimavoq.
Oqaatsit atorneqartut ulluinnarsiorpalaariarlutik, arnarlu matumut sianermat oqaatsit naakkiginnippalulerlutik.
Ukunani allaaserisani oqaatsit atorneqartut isikkut qallersiuinnarlugit eqqartorneqarput. Ukunani isikkoq apeqqutaatinneqartorujussuuvoq. Imaappoq inuk inoqatiminik takugaangat isikkoq apeqqutaatinneqaqqaartarpoq. Taassa taakkunani allaaserisani eqqartorneqartut. Margrethe takuneqaqqaarmat ajunngitsumik tikilluaqqusaavoq, taava arnaq ”Bussimi naapinneq”-mi eqqartorneqartoq isikkorippallaanngimmat iluarivallaanngilaa matukkut sianermat. Ukunani allaaserisani imaappoq inuk isikkorittuuppat ajunngitsuussaaq taava isikkuluttuuppat ajortuussaaq.
Det er gratis at oprette en konto