Tað sum er við reyðum skal gerast heima. Tit finna allar rithøvundar á snar.fo Minnist til at leita undir eftirnavninum, í hesum føri undir H fyri Heinesen Jens Pauli.
Greið stutt frá rithøvundanum
Jens Pauli Heinesen var føddur í 1932 og vaks upp í Sandavági. Hann er læraralærdur, men gavst at arbeiða sum lærari í 1970. Síðan hevur hann starvast sum høvundur burturav.
Jens Pauli er ein av okkara virknasta rithøvundum og hevur m.a. skrivað mong stuttsøgusøvn, skaldsøgur og sjónleikir. Sum høvundur fevnir hann víða og lýsir m.a. bygdasamfelagið og býin, listamannin og samfelagið, barnið og tess heim og kærleikans torgongdu leiðir. Hann hevur fingið nógvar virðislønir fyri sín skaldskap.
Lítli Frants Vilhelm
Stuttsøgan Lítli Frants Vilhelm stendur í savninum „Gesti,“ sum kom út í 1967. Søgan sigur frá gerandisdegnum hjá tólv ára gamla Frans Vilhelm. Hon sigur frá umstøðum og atburði og træðrunum ímillum umstøður og atburð.
Hvør tók sær av Frants Vilhelmi? Greið frá hví.
Í søguni eru nógvar samanberingar og nógv myndamál, og tí er tað natúrligt at kanna tað gjøllari.
Hvat spælir Frans um dagarnar? Greið frá hví, tú heldur tað er so.
Kanna sambandið millum Frans og fuglarnir. Summar fuglar metir hann vera mammur og summar pápar, og tey eru rættuliga ymisk í atburði.
Det er gratis at oprette en konto