Nánast öll orka kemur frá sólinni. Ef ekki væri fyrir sólina þrifist líf ekki á jörðinni, allavega ekki á því formi sem við þekkjum í dag. Plöntur vaxa og búa til fæðu með sólarorku, vindar blása vegna varma frá sólinni og meira að segja jarðefnaeldsneyti, þ.e. olía og gas, er ekkert annað en geymsluform sólarorku yfir milljónir ára.
Hversu mikil orka kemur frá sólinni?
Sólin í sólkerfinu okkar er flokkuð sem meðalstór stjarna. Þrátt fyrir að vera aðeins meðalstór er hægt að gera ráð fyrir því að 109 jarðir kæmust í röð þvert í gegnum hana. Hún er staðsett í um 150 milljón kílómetra fjarlægð frá jörðinni og er um 99,9 % af massa sólkerfisins okkar. Í kjarna sólarinnar á sér stað kjarnasamruni sem gerist við ákveðinn þrýsting og ákveðið hitastig. Þar renna saman vetniskjarnar og umbreytast í þyngri frumefni og við það losnar orka. Á hverri einustu sekúndu umbreytast um 600 milljón tonn af vetni. Út frá hinni frægu jöfnu Einsteins, E = mc2 sem tengir saman orku og massa er hægt að áætla orkuna sem kemur frá sólinni. Hvorki meira né minna en 400 YW af orku koma frá sólinni en forskeytið yotta þýðir 1024 (Nasa).
Mestur hluti orkunnar fer út í geim en hluti hennar kemur til jarðarinnar í formi rafsegulbylgna. Um það bil 180.000 TW ná til jarðarinnar. Til gamans má geta að frumorkuþörf (e. primary energy use) mannsins er um 16 TW. Frá sólinni kemur því um 10.000 sinnum meiri orka heldur en maðurinn er að nota í dag. Ef hægt væri að nýta þessa miklu orku myndu hún vel duga fyrir allri orkuþörf mannsins.
Det er gratis at oprette en konto